Udal hauteskundeak 2015

Oro har, abstentzioa igo egin da Durangaldean

Anboto 2015ko mai. 25a, 10:32

Hamahiru herritatik bederatzitan gora egin du abstentzioak. Hiru puntu baino gehiago igo da Zaldibarren, Abadiñon, Otxandion, Mallabian eta Izurtzan. Zaldibarkoa da absentzio altuena (%38,42), eta Garaikoa, berriz, baxuena (%11.43)

Igandeko hauteskundeetan duela lau urteko udal hauteskundeetan baino abstentzio handiagoa egon da oro har. Iurretan, Elorrion, Atxondon eta Garain izan ezik, beste herri guztietan igo egin da ez bozkatzea erabaki duten herritarren portzentaia. Abstentzioa jaitsi den lau herriotan gainera, ez da alde handia izan: puntu batera ere ez da iritsi desberdintasuna, Garain izan ezik.

Zaldibarren izan da abstentzio altuena. Bertan erroldatutako herritarren % 38,42k ez du bozkatu, eta duela lau urtetik hazi egin da zifra hori; orduan, %35,2k ez zuen bozkatu. Zaldibarren ostetik, Durango da abstentzio altuena duen herria (%36,76).

Hona hemen 2011ko eta 2015eko datuak konparatzeko taula, herritar kopuruaren arabera ordenatuta:

  2015 2011
Durango %36,76 %35,9
Zornotza %34,08 %32,26
Abadiño %31,43 %28
Elorrio %28,23 %28,7
Berriz %35,09 %34
Iurreta %35,63 %35,9
Zaldibar %38,42 %35,2
Atxondo %28,27 %28,9
Mallabia %29,02 %25,1
Otxandio %23,35 %20,3
Mañaria %15,63 %14,6
Garai %11,43 %14,1
Izurtza %21,6 %11,6
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!