Elorrion, berriz, “herritarrek EH Bilduren herri programarekiko dituzten zalantzak argitzea eta, datorren agintaldira begira, herritarrei ahotsa emateko bide berriak lantzen hastea” dira maiatzaren 19rako antolatu duen Hartu Hitza jardunaldiaren helburuak. Galderak egiteko, hainbat modu eskaini ditu: www.ehbildu.eus webgunea, hartuhitza@ehbilduelorrio.eus helbide elektronikoa eta 639 930 964 telefonoa.
Zornotzan, hainbat ekitaldi antolatu dituzte domekarako. 11:00etan umeen puzgarriak jarriko dituzte, eta 13:00etan ekitaldia izango da plazan. Urko Lopez alkategaia eta Josu Unanue Bizkaiko Batzar Nagusietarako hautagaia izango dira bertan. Ondoren, pintxo eta sagardo dastaketa egongo da.
Otxandion, aldiz, gaur 19:30ean, koalizioaren lantaldeen eta egitasmoaren aurkezpena egingo dute plazan. Joan zen astean, Abadiñon eta Berrizen ere aurkezpenak egin zituzten.
Zaldibarren, ekitaldi politikoa antolatu dute biharko, 12:00etan, udaletxe aurrean, eta, ondoren, herri bazkari egingo dute eskoletako pilotalekuan.