Durangoko Amankomunazgoak kudeatzen dituen gizarte larrialdietarako laguntzen (GLL) eskaerak %11 igo ziren 2014an. Guztira, iaz emandako laguntzen diru kopurua 475.808 eurokoa izan zen, 2013an baino %5,40 gehiago. Gainera, Amankomunazgoak 70.000 euro jarri zituen bere funtsetatik, eskaera guztiei aurre egin ahal izateko.
Prentsa oharrean azaldu dutenez, diru-laguntzak eskatzaileen alokairuak ordaintzeko (%35) eta etxeak mantentzeko (%32) izan ziren.
Aurten, Amankomunazgoak Eusko Jaurlaritzatik heldutako 417.916 euro kudeatuko ditu gizarte larrialdietarako laguntzetan.