LABek Durangon antolatuko duen manifestazioan, euren eskubideen alde enpresetan borrokan dabiltzan langile guztiak omendu gura ditu.
Bestalde, ELAk Bilbora joateko deia egin du. 11:45ean, Jesusen Bihotza plazan mitina egingo du, eta, ostean, manifestazioa ere bai.
Ernairen ekimenak
Maiatzaren Lehena dela-eta, Borroka Astea garatzen dabil Ernai gazte erakundea, eta hainbat jarduera eraman ditu aurrera Durangon eta Elorrion, besteak beste. Durangarrek etxebizitza eskubideagaz lotu dute egitaraua, eta elorriarrek emakumearen ikuspuntutik jorratu dute.