23.000 kilo elkartasun saharuiengana bidean

Anboto 2015ko ots. 20a, 12:45
Deskargatu Info Ahotsak :

Bihar, zapatua, irtengo da kamioia Durangaldetik.

Tindufen (Aljeria) errefuxiatuta dauden saharauiei laguntzeko Karabana Solidarioa prest dago, eta bihar irtengo da Donostiatik Alacanteko (Herrialde Katalanak) portura bidean. Handik Aljeriara joango da, itsasoz. Durangaldean jasotako laguntzagaz kamioi bat bete dute, eta 23.000 kilo janari eramango dituzte barruan; 23.000 kilo elkartasun dira, saharauiengana bidean.


Durangoko Herria elkartekoak ibili dira koordinatzen, eta Elorrioko Lajwad elkarteak eta Otxandioko eskolako gurasoek ere parte hartu dute.

36.000 euro
Abadiño, Atxondo, Berriz, Durango, Garai, Iurreta, Mallabi eta Zaldibarko udalen eta Amankomunazgoaren artean ia 36.000 euroko ekarpena egin dute, eta antolatzaileek kamioia erosi dute diru horregaz. Soberan geratu denagaz jakiak erosi dituzte. Bestalde, 23.000 kiloetatik 7.000 herritarrek emandakoak dira.
Horretaz gainera, 30 kutxa konpresa eta 500 kilo arropa joango dira kamioian, JAED elkarteak emandako laguntzari esker.

Herririk herri
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!