Mikeldi ibilbidea egiten hasi dira berriro Bizidun elkartekoak

Anboto 2015ko ots. 5a, 11:48
Deskargatu Info Ahotsak :

Biziduneko kideak, ibilaldiaren hasieran, Otadui alkateagaz batera.

Bizidun elkartekoek bigarrenez osatuko dute GR Mikeldi ibilbidea. Iaz egin zuten ibilbide osoa lehenengoz, eta duela aste bi berriro heldu zioten ekimenari: Elorriotik Mañarira bitarteko tartea oinez egin zuten. GR Mikeldi ibilbidea zaintzea eta sustatzea dira Bizidunekoek ekintzarako ezarritako helburuak.

31 lagunek parte hartu zuten lehenengo etapa horretan. Hasieran, San Agustinen, Ana Otadui Elorrioko alkatea ere egon zen eurekin, eta familia argazkia atera zuten guztiek batera.

Zahartzaro aktiboa bultzatzen duen Durangaldeko elkartea da Bizidun. Martxa horietaz gainera, berbaldiak ere antolatzen ditu elkarteak urte osoan, besteak beste.

Herririk herri
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!