'La extraña pareja' antzezlana

Irailaren 12an eta 13an egingo dituzte obraren lehenengo emanaldiak. Neil Simon estatu batuarrak 1965ean idatziriko antzezlanaren interpretazio propioa dakar Txintxaun kolektiboak La extraña pareja antzezlanean. Bizitzaren gorabeherek apartamentu berean elkarrekin bizitzera bideratzen dituzten aspaldiko lagun biri buruzko istorioa da. Jack Lemmon eta Walter Matthau aktoreek egin zituzten ezagun pertsonaia bi horiek zineman, eta Aitor Arestik eta Aitor Berriok antzezten dituzte paper horiek moldaketa honetan.