Gasa ustiatzeko teknikaren inguruan sentsibilizatu guran kanpaina egiten dabil Fracking Ez Durangaldea plataforma. Berbaldiotan frackingak zelan funtzionatzen duen eta zer arrisku dituen azalduko dute, eta Durangaldean teknika hau ezartzeko aukeren gainean egingo dute berba. Sinadurak batzen dabiltza legebiltzarrean herri ekimen legegilea aurkezteko.
Durangoko eta Zaldibarko berbaldiez gainera, Mañariako frontoian frackingaren gaineko erakusketa didaktikoa egingo dute maiatzaren 18an. Sinadurak ere batuko dituzte.