Durangaldeko Lehiakortasun Poloaren ordezkari moduan Anton Gorriñok jardungo du eta IK4-Azterlan ikerketa zentroko kide moduan Garikoitz Artolak eta Ibai Gallasteguik. ADI Treatments Ltd (Erresuma Batua) enpresako Zuzendari Tekniko Arron Rimmer-ek eta Etxe-Tar S.A. enpresako Patxi Samaniegok ere jardungo dute hizlari moduan. Jardunaldia, martxoaren 19an, eguaztenean, izango da 15:30etik 18:30era.
Galdaketa tekniko eta espezialistei, material-, ekipamendu-, eta lehengai -hornitzaile diren enpresei, eta, tratamendu termiko eta mekanizazio tailerrei zuzendutako jardunaldia da. Baita diseinu-ingieneritzari, osagai burdinurtuen kontsumitzaileei, zentro teknologikoei eta unibertsitateei ere.
ADI osagaien garapenagaz lotutako hainbat esperientzi emango dituzte jakitera jardunalduan, bai tratamendu teknologien ikuspuntutik bai aplikazio berri eta etorkizuneko aukeren ikuspegitik. Mekanizazio operazioak ere aztertuko dituzte.