Gehiengo sindikalak deitu ditu mobilizazioak goizean. Arratsaldean ere herririk herri egingo dituzte protestak.
ELA, LAB, ESK, STEE-EILAS, EHNE, HIRU, CGT eta CNT sindikatuek mobilizazioak eta geldialdiak deitu dituzte gaur eguerdirako. 13:45etik 14:15era kontzentratuko dira Durangoko Herria elkartearen aurreko biribilgunean, Abadiñoko Alkoa aurrean, Atxondoko Femosa aurrean eta Zornotzako Alcoa parean. Estampacionesen aurrean 12:30ean izango da protesta. Bestalde, Mallabia, Zaldibar, Iurreta, Elorrio eta Abadiñoko udaletxeetako beharginek ere irtengo dute kalera, 12:00etan, udaletxe aurretan. Durangon, Andra Marin egingo da mobilizazioa ordu berean.
Arratsaldez, herririk herri deitu dituzte protestak. Durangon, 19:00etan, kontzentrazioak egingo dituzte Eroskiko biribilgunean, Landakoko osasun etxearen parean, Herria elkartearen aurrean eta Iurretako mugan. 20:00etan manifestazioa irtengo da Andra Maritik. Abadiñon, 19:30ean \'kalejira urdina\' egingo dute Traña-matienako Bodeguilla paretik. Berrizen kontzentrazioa 19:00etan, Olakuetan. Elorrion, giza katea egingo dute 19:30ean plazan, eta 20:00etan argazkia aterako dute.
![\"\"](\"http://www.anboto.org/images/15400/15413/1.jpg\")
![\"\"](\"http://www.anboto.org/images/15400/15413/2.jpg\")
![\"\"](\"http://www.anboto.org/images/15400/15413/3.jpg\")