Mendizaleak Betsaidera igoko dira domekan mendi istripuz hil diren mendizaleak gogoratzeko Oroimen Egunean. Elorriotik igotzeko Erdella Mendizale Taldeak 08:30ean ipini du hitzordua plazan, eta Atxondon Asuntze Mendi Klubak ordu bererako egin du deia, Arrazolako plazan.
Aurten Euskal Herriko hamar mendizale hil dira mendi istripuz. Eurek oroitzeko ekitaldiak 10:30ean hasiko dira Betsaiden, txistu eta txalaparta soinuagaz. 11:00etan, meza edukiko dute, eta gero Euskal Mendizale Federazioaren lehendakariaren berbaldia. Amaitzeko, dantzariak eta txistulariak ariko dira.