Gaur, bihar eta etzirako Barakaldoko BECen Osakidetza eta Hezkuntza sailak deituriko lanpostu publikoak esleitzeko azterketetan euskaldunon hizkuntza eskubideak urratuko dituztela salatu du Euskal Herrian Euskaraz-ek.
![\"\"](\"/fc_imagenes/iurreta(2).jpg\")
Euskaraz bizi nahi dugu, administrazioan euskaraz aldarrikatuz kartelak eta pegatak ipini dituzte Iurreta eta Durangoko anbulategietan. Gainera, elkarretaratzea deitu du Euskal Herrian Euskaraz-ek, ekainaren 16rako, biharko. Barakaldoko BEC parean, 10:30ean burutuko dute.
"Kontratazio-politikak ez du bermatuko langile berriek euren lana euskaraz egitea edo administraziora hurbiltzen diren herritarrei ematen zaioen zerbitzua euskaraz izatea", dio Euskal Herrian Euskaraz-ek. Iraganeko formulak baztertu eta euskaraz bizitzeko ezinbesteko hizkuntz politika burujabea garatzea aldarrikatu dute.