Aldarrikapenak eta ekitaldiak Emakumearen Nazioarteko Egunean

Emakumearen Nazioarteko Egunaren harira hainbat ekitraldi antolatu dituzte gaur (martxoaren 8an) eskualdean. Durangoko Bilgune Feministak manifestaziorako deia egin du, 20:00etan Andra Maritik. Abadiñon, 17:00 orrazkera afrikarrak egiteko aukera izango da eskoletako gimnasioan. Mundu Martxarekin bat egiteko murala margotuko dute. Kalejiran irtengo dira 18:00etan BoTaPa samba taldeagaz. Txokolate-jana 19:00etan prestatuko dute. Iurretan, adierazpen inastituzionala irakurriko dute, 19:00etan, Ibarretxe kultur etxean. Berrizen, Kontukantoi taldearen ipuin kontalari saioak eta antzerkia antolatu dituzte ikastetxeetan. Kontzentrazioa izango da,19:30ean, Urtiaga plazan. Udalbatzak aho batez onartu duen adierazpen instituzionala irakurriko dute. Gaberdi antzerki taldeak girotuko du ekitaldia. Elorrion, kontzentrazioa 19:30ean antolatuko dute plazan. Jarraian Eramos pocos laburmetraia proiektatuko dute. Zaldibarren, Zine-foruma eta mahai-ingurua prestatu dute. Emakume alargunen munduari begira, Agua filma izango da ikusgai. Moderatzaile Arantxa Núñez berdintasun teknikaria izango da Herri Ikastetxeko ekitaldi aretoan. Ekitaldi honetan, haurtzaindegi zerbitzua doan izango da.