Inauteri giroan gozatzeko hainbat aukera daukagu inguruan

Inauteriak etorri dira eskualdera. Karnabaletako jantziak prestatu eta kalera irtetzeko hainbat proposamen dauzkagu gure inguruetako herrietan. Kriskitin taldeak Surrandi eta Hartzaren konpartsagaz 18:15ean Merkatu plazan elkartzeko hitzordua ipini du, handik irtenda Durangoko kaleak musika eta dantzagaz girotzeko asmoz. Amaiera 20:00etan Andra Mariko elizpean izango da. Martitzenean, ume eta gazteentzako ekitaldiak antolatuko dituzte. Adinekoen egoitzan IV. Tostada Lehiaketa eta Duo Menta taldeagaz dantzadia izango dituzte. Iurretan, inauteri egunez 10:00etan Munduko dantzak jaialdia antolatuko dute eskoletan. Mikel Deuna kultur taldeak Luhartz taldearen erromeria antolatuko du Olaburu frontoian. Berrizen, gaur, inauterietako herri-afaria prestatuko dute. Elorrion, ikastetxeen mozorro desfilea eta txikientzako antzerkia izango dituzte. Haur parkea egun osoan egongo da zabalik. Arratsaldea Kresala taldearen erromeriak alaituko du; txokolate-jana izango da gero. Otsailaren 21ean Bizia- tloia ipiniko dute martxan, eta 28an Mountainbike herri-martxa. Mallabian, umeentzako egitaraua gertu izango dute eskolan. Arratsaldean erromeria eta mozorro lehiaketan parte hartzeko aukera eskainiko dute.