Wikipediaren aplikazioa euskaratu dute Azkue fundazioak eta euskal wikilariek

Teknologien erabileran euskarak duen presentzia areagotzeko bidean, pauso handia eman dute Azkue fundazioak eta Euskal Wikilarien Kultura Elkarteak.

Wikipediako softwarea eta OpenStreetmap euskarara itzuli ostean, wikipediaren mugikorretarako aplikazioa euskaratu dute orain. Horrela, telefonotik, gure hizkuntzan ere bilatu ahalko ditugu bertako terminoak. Gainera, aplikazioak hainbat abantaila eskaintzen ditu: hizkuntza ugaritan informatu ahal izatea, egunero argazki esanguratsuena jasotzea, gehien irakurritako artikuluen sailkapena... Aplikazioa Android eta iOS sistemekin erabili ahal da. 

Azkue fundaziokoek beste software batzuk euskaratzeko lanean jarraituko dute.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.