Mallabiko Jubilatuen Elkarteak memoria lantzeko tailerrak antolatzen dihardu azaroan zehar. Tailer horiek herritar guztiei zuzenduta daude, eta azaroko eguazten guztietan emango dituzte.
Jubilatuen elkartekoek asteon antolatu dute lehenengo saioa. Ekimen hori martxan jarri ahal izateko, Udaleko Ongizate Sailaren eta Bizkaiko Foru Aldundiak emandako laguntza jaso du elkarteak.
Arratsaldeko 16:00etatik 17:30era bitartean izango da hitzordua hurrengo saioetarako ere Jubilatuen Etxean. Tailer horietan parte hartuko duten hizlariak Nuria Santos eta Lahar irabazi asmorik bako elkartea izango dira.