Azpeititik Durangora, baserritar gazteak elkartzeko martxa berezia antolatu zuen, joan zen asteburuan, Akuilu Euskal Herriko baserritar gazteen taldeak.
Baserria da etorkizuna goiburuarekin, “tokian tokiko produktuak eta sasoian sasoikoak produzitu eta kontsumituko dituen eredu baten” sinesten duten baserritarrek egin zuten martxa. Mallabitik sartu ziren Durangaldera, zapatuan. Biharamunean, aldiz, Berriz, Abadiño eta Durangon izan ziren. Euskal Herriko hainbat baserritar gaztek antolatutako azoka antolatu zuten Durangon, eta, ondoren, bazkaria ere izan zuten azoka horretan parte hartu zuten guztiek.