18/98 auzian Audientzia Nazionalaren sententziaren kontrako helegiteak aztertzeko ikustaldi publikoa amaitu da asteon. Horren barruan, Joxemi Zumalabe atalean zigortutako bederatzi lagunetatik seiren absoluzioa eskatu du fiskalak; horien artean, Durangoko Mario Zubiagarena.
Beste 12 lagunen zigorrak hiru urte eta 18renak urte bi jaistea ere eskatu du, eta, beste birenak erretiratzea. 2007ko abenduan atxilotutako 46ren artean zen Zubiaga, eta bermea ordainduta aske utzi zuten. KAS, Ekin eta Xakin jarduteagatik eta Joxemi Zumalabe Fundazioko edo ‘Egin’ ateratzen zuen Orain enpresako kide izateagatik atxilotu zituzten; tartean, Inma Berriozabal elorriarra ere bai.