Euskarazko Produktuen Katalogoa zabaldu dute Durangaldeko hainbat herritan. Bizkaian, denera, 49 Udalek egin dute bat ekimen horrekin. Horien artean dira Durangaldeko udal batzuk ere: Berriz, Elorrio, Iurreta, Zaldibar eta Zornotzako udalak, hain zuzen ere.
Musika, filmak, aldizkariak, komikiak eta liburuak batu dituzte katalogo horretan. Horrezaz gainera, gurasoentzako materiala, jostailu eta jokoak zein informatika materiala. Informazio gehiago jaso gura duenak honako web orrian sartzea ere badauka: www.katalogoa.org