Oro har, Durangaldeko udalek ere Eudeleko Berdinsareatik abiatutako kanpainarekin egin dute bat. Gizonezkoei zuzendutakoa da oraingoan: Nik emakumeenganako indarkeriari ez, eta zuk?
Hainbat udaletan onartu dabe udalbatzarrean adierazpen instituzionala. Durangon gogoratu dute 2008ko lehenengo sei hilabeteetan, ustez tratu txarrak jasan dituzten 52 emakumek Durangaldean; Durangon, 32 emakumek.
Gizonezkoen “inplikazioa” lortu gura dute, eta ildo horretan ekitaldi sorta zabala osotu dute herriko emakume elkarteekin batera.
Emakumeen Kontrako Indarkeriaren Aurkako Nazioarteko Egunean elkarretaratze isilak izango dira nagusi; Durangon, manifestazioa ere deitu du, iluntzerako, Plataforma Feministak. Abadiñon, gizonezko kirolari eta musikari ezagunek parte hartuko dute deitutako agerraldi publikoan; indarkeria mota horren kontra dauden gizonak talde-argazkia egitera deitu dituzte.
EGITARAUAK
Tratu txarrengatiko salaketak 2008ko lehenengo sei hileetan
*Durangaldean osoan 52 dira ustez tratu txarrak jasan dituzten andrazkoak
*Durangon 32 emakumek jasan dituzte ustez tratu txarrak
- ABADIÑO
Adierazpen instituzionala, Ustaritz Aldekoa-otalora, Ander Iturraspe, Rober Uriarte, Ander Antxia, Mikel Zarrabeitia, Dabid Etxebarria, sokatira taldea, Aitor Martinez eta Edu Perezen parte-hartzearekin. Hilaren 25ean, 19:00etan, Errota kultur etxean.
Elkarretaratzea, Emakumeen aurkako indarkeriarik ez lelopean, 20:15ean, Errotaren aurrean.
Pilota partidu mistoak, Rober Uriartek eta Ander Antxiak eratuta, 29an, 11:00etan, frontoian. Gero, Abadiñoko sokatira taldea vs Gasteizko emakumeen sokatira taldea. Hemen Gauz neska taldeak eratuta abesti matxisten aurkako ekintza feminista, 12:00etan, eta 17:00etan, Afrikako dantza saioa (ile txirikordak gimnasioan).
‘Kalean uso, etxean otso’ ikusentzunezkoa, 29an, 19:30ean Errotan. Aurora Beltranen kantaldia, 30ean, 19:00etan
- ATXONDO
Berbaldia: Plazan, informazioa banatuko dute, 25ean, 10:00etatik 13:00etara.
- BERRIZ
Elkarretaratzea Berdintasunean, erasorik ez! lelopean, 25ean, 20:00etan, Urtiaga plazan.
- DURANGO
Elkarretaratze isila, 25ean, 13:00etan, Udaletxeko arkupeetan. Andra Maritik manifestazioa, 20:00etan, Plataforma feministak deituta.
‘Azaroak 25’ lehiaketaren sari banaketa. Hilaren 28an, 18:30ean, Landako Elkartegian. Emakumeenganako indarkeriaren aurkako kontaketa labur eta olerki lehiaketa. Berbaldia: Zer da Maskulinotasuna mugimendua? (ON:GIZ Berdintasunaren aldeko elkartea), 28an, 20:00etan.
- ELORRIO
Elkarretaratze isila, 25ean, 19:00etan Udaletxeko atarian.
- IURRETA
Elkarretaratze isila, 25ean, 18:15ean, Ibarretxe kultur etxearen aurrean; 19:30ean, bideoforuma: El domingo, si Dios quiere.
Berbaldia: Gizonak indarkeriaren aurrean (Ibon Arrizabalaga), abenduaren 3an, 19:00etan, Ibarretxen.
- ZALDIBAR
Erakusketa, hilaren 25ean, Udal Liburutegian.