Zornotzako Boroa industriagunean kokatutako enpresa baten sutea sortu da asteon. Ezbeharraren eraginez lau behargin zauritu dira, Eusko Jaurlaritzako Barne Sailak jakitera eman duenaren arabera.
Astelehenean gertatu zen istripua 13:30 inguruan, berziklatutako paperezko enpresa baten. Sua uhal garraiatzailean sortu ei zen, eta sute horren eraginez lau langile zauritu ziren.
Lau zaurituak Galdakaoko erietxean artatu zituzten; lehenengo hirurak kea arnasteagatik eroan zituzten bertara, eta laugarrena, berriz, uhal garraiatzailetik salto eginda min hartzean egindako zauriak artatzeko.
Suhiltzaileek joan behar izan zuten uhalean sorturiko sutea amatatzera.