Lan baldintza hobeen alde kalera irten ziren, atzo, EAEko itunpeko ikastetxeetako beharginek. Ordu biko lanuztea egin zuten, ELAk eta LABek deituta. Bion arabera, behargin “gehien-gehienek” egin zuten bat deialdiarekin.
Sektorean ordezkaritza sindikalaren %83 dute bien artean; ikastoletan %100a. Azaldu dutenez, ikastoletan parte-hartzea ia %100ekoa izan da. Bizkaian %90ek egin zuen bat, eta Gipuzkoa eta Araban ia denek. Gainerakoetan, Gipuzkoan, lanuztea %82koa izan ei da, eta Bizkaia eta Araban, %55ekoa. Besteak bete, soldatak sare publikokoekin parekatzea gura dute, eta eskolako lanaldia murriztea. Aldarrikapenei “zilegi” iritzi arren, lanuzteari “neurriz kanpokoa” deritzo Jaurlaritzak, Itunpeko sarearen finantzaketaren eztabaida sakona behar delakoan.