Orain dela gutxi operadore mugikor birtual izateko lizentzia lortu zuela iragarri zuen. Orain Vodafone konpainiarekin izenpetutako hasierako akordio hau bigarren pausoa izan da, merkaturatzea prestatzeko eta telefonia mugikorraren zerbitzu propioa eskaintzeko, azaldu duten moduan. Eroski markapean komertzializatuko dituzte telefonia mugikorreko produktu eta zerbitzuak. Eskaintza horrek “bezeroen fideltasuna indartuko” duela deritzo Eroskik: “Laster merkatu barri horretan sartzeko lanean, preziorik onena eta bezeroaren asetzea nagusi dira-eta”.
Hainbat zerbitzu
Hainbat zerbitzu sektoretan sartuta dago Eroski: gasolina eta higiezinen salmenta, kreditu pertsonalak eta hipoteka-kredituak zein aseguruak eta optikak, besteak beste.