Euskal Bizikleta txirrindulari lasterketa ekainaren 8an abiatuko da Eibartik eta eragin zuzena izango du gure eskualdean ere. Errepidean ere eragingo du.
Lasterketa dela-eta, Abadiñoko Udalak jakitera eman duenez, Durangotik Elorriorako N-636 errepidea itxi egingo dute, zapatuan, ekainaren 9an. Ohartarazi duten moduan, arratsaldean, 14:30etik 20:00ak artean ezingo da errepide hori erabili.