Tabakorik gabeko eguna leloa goiburu hartuta, zigarroak bonboiengatik aldatzeko aukeraz gainera, azken 24 orduan zenbat erre den jakiteko proba egitea dago, karbono monoxidoa
detektatzen duen tresna baten bitartez; eta mendekotasun maila ezagutzeko testa ere egiteko aukera dutehurreratutakoek. Kontzientzia hartzea da helburua, mankomunitateko arduradunek azaldu duten moduan.Durangaldean 13.000 erretzaile
Emandako datuen arabera, EAEn, urtean, 4.000-5.000 pertsona hiltzen dira tabakoaren eraginez. Durangaldean, 13.000 erretzaile inguru daude eta 15 milioi euroko gastua egiten dute tabakotan. Geroago eta gazteago hasten direla erretzen ere ohartarazi dute; 12-13 urterekin. Informazioa eman dute karpetan, gogoratuz hilabete eskas dela banakako arreta eskaintzen dela. Mankomunitateak erretzeari uzteko ikastaroak eratzen dituela badira 10 urte, eta ehunka lagunek utzi diola diote. Informazio gehiago lortzeko eta ikastaro zein zerbitzuen berri izateko honako telefonora deitu daiteke: 94 620 05 20