Gas naturalaren tarifa %2,74 merketuko da, apirilaren 12tik aurrera, etxeko kontsumitzaileentzat; industria eta komertzioetako kontsumitzaileentzat jaitsiera bikoitza izan da, %5,41. Halaxe eman du jakitera Espainiako Industria, Turismo eta Komertzio Ministerioak.
Lehengaiaren kostuaren jaitsierari eta dolarrarekiko euroaren balio-irabazteari erantzuten dio jaitsierak, azaldu dutenez.
Gas naturalaren erregulatutako tarifak hiru hilean behin errebisatzen dira (urtarrila, apirila, uztaila eta urria), kalkulu formula batekin bat eginda.