Martxoaren 8a. Egun hori gogoan hartzeko dei zabala egin dute
berdintasunaren arloan diharduten instituzio zein kolektiboek; beraz,
Durangaldeak ere agenda zabala batzen du Emakumearen Nazioarteko Eguna
dela-eta, aldarri zein gogoetara gonbidatuz. Adibide bat baino ez da
martxoaren 8an, iazko testigua hartuz, Gure eskubideen alde martxan
lelopean Durangoko Plataforma Feministak deitutako manifestazioa.
Durangalde osoari zabaldutako deia da, hitzordua, 20:00etan, Andra
Marian.
Izan ere, herriz-herriz eratutako ekitaldi sorta
zabala da. Egunean bertan egingo dute elkarretaratzea Elorrion ere,
19:00etan, plazan; eta, Abadiñon, Emakumearen Nazioarteko Egunarekin
lotutako manifestua irakurriko dute Traña-Matienako Udal Bulegoan,
12:15ean. Berdin egingo da, 19:00etan, Errota kultur etxean; aurretik,
baina, dantza eta laburmetraia baten proiekzioa izango dira. Berrizen,
berriz, Como disfrutar del sexo siendo mujer
erakustaldi-berbaldia eratu dute. Kultur Etxean, 17:30ean, sex-shop
bateko ordezkari batek jardungo dau hainbat tramankulurekin.
Zaldibarren, 18:00etan, Umorea eta emakumea hartuko ditu hizpide Rakel
Imazek (Trokolo), eskolako aretoan.
Lilakrosa
Asteburuari begira ere hainbat ekitaldi eratu dituzte Durangaldeko herrietan. Bihar, Miarritzeko Ballet Junior 2-ak Ibilladi dantza saioa eskainiko du, Arriola antzokian, 22:30ean; Durangon, berriz, Mundu berri bat musika emanaldia izango da Durangoko Tabira Musika Bandaren eskutik Andra Mariako elizpean, 20:00etan. Zapatuan, bestalde, Mujeres en sus camas antzezlana taularatuko du Tanttaka antzerki taldeak, 20:00etan, San Agustin kulturgunean.
Lilakrosak, berdintasunaren aldeko lasteketa ere izango da, martxoaren 11an. Ezkurdin irtengo dau lasterketak 12:00etan eta Durangoko erdigunetik igaroko da.
Zaldibarren ere Drag bakarrizketak antzezlana aurkeztuko du Jesus Segurak, martxoaren 9an, 22:30ean, herri-eskolako aretoan, eta, 10ean, berriz, afaria eta erromeria izango dira, 21:30ean. Oihergi musika taldeak girotuko du herri-eskolan izango den afalostekoa.
Abadiñon, Las mujeres abriendo camino por la igualdad ¿como participar, quienes y para que? mahaingurua izango da datorren martxoaren 13an, Errota kultur etxean. Anabel sanz, Basauriko berdintasun teknikari eta Bizkaiko Emakume Asanbladako partaideak jardungo du hizlari, 19:00etan hasiko den ekitaldian.