Orain dela urteak “zaharkitutako” laguntza puntualen dekretuaren aldekoa ei da Berrikuntza eta Sustapen Ekonomikorako Sailaren “apustu bakarra”, eta “ez dauka artisautza sektorea bultzatzeko lan-estrategiarik”. Ondorio hori atera du Arbasok foru arduradunekin batzartu ondoren.
Azaldu dabenez, “tramitezko batzar koiunturala izan da: konpromiso zehatzik gabekoa”. Sektorearen inguruko oinarrizko informazio falta ere salatu dute: “Urteak direla euren esku behar lukeena, sektorearen urteko egoera errealismoz baloratzeko”.
Arbasoko lehendakari Bernart Vidalen berbetan, “sektorekook krisi garrantzitsua ikusten dugu eta ezinbestekoa da artisau-lanen hedatze eta komertzializazioa babestea. Ematen du instituzioa guztiz gaindituta dagoela; artisautza-egitasmo zehatzak aurrera eroateko giza baliabide falta dago”. Batzar gehiagotarako atea zabalik geratu ei da.