EAEko Justizia Administrazioko langileek 2006ko urriaz geroztik egiten ziharduten greba bertan behera uztea erabaki dute. Jaurlaritzaren azken proposamenaren alde %57k egin dute, eta %43k kontra. Bizkaian izan dira emaitza estuenak, langileen %53k egin dute alde, eta %47k kontra. Durangoko epaitegian 31k egin dute greba.
Sindikatuen artean ere desadostasunak izan dira: ELA greba jarraitzearen alde agertu da, eta gainerakoak —LAB, CCOO, CSIF, UGT— Jaurlaritzaren proposamena onartzearen alde. Jaurlaritza pozik agertu da. Soldaten %7,25eko igoera onartu dute —zati bitan ordaintzekoa— eta ahal den heinean, Jaurlaritzak Lakuako funtzionarioentzako sistema eta eskubideak aplikatzea planteatu dute. Bestalde, lanpostuak baloratzeko prozesua ere berdina izango da denentzat.