Emakumeenganako indarkeriaren kontrako nazioarteko eguna, azaroaren 25a, gogoan hartuta hainbat ekitaldi eratu dituzte, eskualdean, Berdintasun sailen bitartez.
Abadiñon, gaur, Amores que matan filma eskainiko dute Errota kultur etxean, 20:00etan. Gero, Teresa Alonso psikologo eta grafologoarekin solasaldia izango da. Zaldibarren, berriz, hilaren 22an, Gizonezkoen papera emakumeen kontrako indarkerian hartuko du hizpide Malagako AHIGEko (Berdintasunaren Aldeko Gizonen Elkartea) kide Jose Mendigurenek, 18:30ean, udaletxeko batzar aretoan.
Elorrion, 23an, Jabier Madina psikologo klinikoak jardungo du, udaletxean, 18:30ean: Tratu txarrak ematen dituen gizonen profila eta eurekin esku hartzea.