Udal eta foru hauteskundeak

EH Bilduk jakinarazi du Berrizko udal hauteskundeetako emaitzak ez direla zuzenak

Anboto 2023ko mai. 29a, 00:41
Deskargatu Info Ahotsak :

Berrizko EH Bilduk jakinarazi du Espainiako Barne Ministeriotik heldu diren datu ofizialak okerrak direla (ANBOTOk eta gainontzeko komunikabideak bertatik jasotzen dituzte datuak). Koalizio subiranistaren arabera, EAJ eta EH Bilduren arteko boto aldea laburragoa litzateke, eta udalbatzaren eraketa honakoa litzateke: EAJk bost zinegotzi, EH Bilduk bost zinegotzi, eta PSE-EEk zinegotzi bat. 

Koalizio subiranistaren arabera, hiru botoko aldea legoke EAJren eta EH Bilduren artean. Momentuz baina, egon litezkeen aldaketen zain, iturri ofizialek diotenez, udalaren eraketa horrela geratuko litzateke: EAJ (5), EH Bildu (4), PSE-EE (1) eta Elkarrekin Podemos (1). 

Koalizio subiranistaren arabera "bi mahaietako botoak errepikatu" egin dituzte, eta emaitzak "2-3 egun barru" zuzenduko dituzte. 

Politika Berriz
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!