Zapatuan Mendilagun irteera egingo dute Berrizen

Durangaldeko Berbalagun egitasmoak mendi irteera antolatu du Amaraune mendi taldeagaz batera. Guztira, hamabi kilometroko ibilaldia egingo dute, euskara bidelagun.

Ibilbidea zirkularra izango da, eta Felipe Urtiaga plazatik irtengo dira, 09:00etan. Partaideek 615 metroko desnibela topatuko dute, eta hiru bat orduko itzulia izatea aurreikusten dute. Izena emateko, 639 400 786 telefonoa ipini dute antolatzaileek. Horrez gainera, "oinetako egokiak" eramateko deia egin dute, bidea lokaztuta egon daitekeelakoan. 

Durangaldeko Berbalagunek hainbat ekitaldi antolatu zuen maiatzean ere. Horrela, maiatzaren 20an Victor Arrizabalagak arte garaikideko espazio bihurtu duen Angurreta Harrobira irteera egin zuten. Harria, eskultura eta basoa uztartzen dituen parajeetatik egin zuten bisita gidatua berbalagunek. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!