Berrizko EH Bilduk jakitera eman duenez, aldaketa izango da Berriko EH Bilduko udal taldean. Instituzioetan 10 urteko ibilbidea egin ostean, Karmen Amezua Urzelaik zinegotzi kargua uztea erabaki du. "Karmen bizitza laboraletik erretiratu berri da eta honekin bat eginez bere jardun instituzionala ere horretan uztea erabaki du. Argi dauka baina instituzioetatik kanpo ere bere militatziak tinko jarraituko duela, bizitza osoan egin duen legez", azaldu dute Berrizko EH Bilduko kideek prentsa ohar bidez.
Amezuaren zinegotzi lekua Eneritz Gorritxategik hartuko du. Gorritxategi aurreko legegintzaldian zinegotzia izan zen.