Webguneko 'Antxinako Berriz. Bizimodua eta ohiturak' atalean, 2006 eta 2007. urteetan berriztarrei egindako hainbat elkarrizketa jasotzen dira. Udalean jasota zeuden grabazioak prestatu, sailkatu eta web orrian ipini ditu Badihardugu Euskara Elkarteak. Gainera, hiztun baikoitzari egindako elkarrizketak aztertu eta gero, zatirik interesgarrienak gaika sareratu dituzte. Guztira, 25 grabazio berreskuratu eta katalogatu dituzte.
Proiektuaren asmoa Berrizko euskara eta bertako ohiturak eta tradizioak bildu eta zabaltzea da, besteak beste.
Berriz 1936 Gogoratzen
Horrez gainera, www.ahotsak.eus/ berriz atalean, Berriz 1936 Gogoratzen Elkarteak utzitako hainbat material ere jaso dutela ohartarazi dute Berrizko Udaletik.