Euskararen kriseilua etxerik etxe, Berrizen

Euskararen Kriseilua martxan da Berrizen, eta 40 bat familiek erantzun diote udalaren Euskara Zerbitzuak eta Learreta-Markina eskolak elkarlanean abiatutako ekimenari. Ekimenak haurren hizkuntza, euskara, suaren sinbologiagaz jolastuz zaintzea eta umeek hizkuntzaren gaineko ardura hartzea du helburu. 

Azaro hasieran ekin zioten ekimenari, eta Lehen Hezkuntzako lehenengo mailako eta bigarren mailako ikasleek eta euren familiek parte hartu dute. Ekimenak abenduaren 3ra arte iraungo du, Euskararen Nazioarteko Egunera arte. Abenduaren 4an amaiera ekitaldi bat egingo dute, ekimenak iraun duen bitartean familiek hartutako konpromisoekin.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.