Real Madrileko jokalari ohia Berrizen entrenatzen

Aurten 45 urte bete dira Berriz kirol elkartea eta beragaz Berriz futbol kluba sortu zutenetik. Filiberto Azkarate durangarra izan zen lehenengo talde hartako entrenatzailea.

Azkarate ez zen edonor. 1945ean, 21 urte zituela, Real Madrilek fitxatu zuen eta lau denboralditan Kopa  bi (orduan Copa del Generalísimo deitua) irabazi zituen. Jokatzeari utzi zionean entrenatzaile hasi zen. Durangoko Kulturala eta Lemoa zuzendu ostean Berrizen gidaritza hartu zuen, 1973an.

Aurreneko partidu biak galdu egin zituen Berrizek eta hirugarrenean lortu zuen lehenengo garaipena: 7-1, Beletxeren aurka. Klubaren lehenengo gola —historiarako— Jesus Gorroñok sartu zuen, Felipe Barceló Galdakanok klubaren 25. urteurrenaren harira idatzitako Berriz kirol elkartea, mende laurdeneko bidea liburuan jasotzen denez.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.