Izan ere, aizkolaria eta harrijasotzailea ere bazen Urtain, eta Berrizko herri kirol erakustaldietan parte hartu zuen aurretik. Eduardo Urzelai Astegiak sustatzen zituen jaialdi haiek, eta berak gonbidatuta etorri zen gero boxeo-borrokaldietara.
Kirol eta kultur arloko ekintza ugari antolatu zituen Urzelaik –elefantearen dema sonatua ere bai–. Gerora, EAJko diputatu ere izan zen. Martin Olazarrek bere omenez landu eta Gaztedi elkarteak kaleratutako liburukoa da argazkia.