Azken urteetan lez, frankismoa sufritu zuten lagunak gogoan izan dituzte gaur Berrizen. Gainera, egia justizia eta erreparazioa aldarrikatu dituzte.
Horrez gain, aurten, modu anonimoan errepresioaren kontra borrokatu ziren eta euren ideia eta familiak defendatu zituzten emakumeak ere gogoan izan dituzte. "Emakume hauek inongo aitorpenik jaso gabe joan ziren eta berandu bada ere gure esker ona eskaini nahi diegu bihotzez guztiei", esan dute Berriz 1936 elkarteko kideek. Gainera, matxismoaren eta patriarkatuaren kontrako borrokagaz batera bat egin gura dutela adierazi dute.