Giza Eskubideen alde egiteko egitarau zabala antolatu dute, Berrizen. Zapatuan, eguerdiko 12:00etan, Europako migrazio-politikaren kontra kontzentrazioa eta ibilaldia deitu dute, Urtiaga plazatik hasi eta udaletxeraino. Domekan, berriz, Kultur Etxean La Zanja antzerki ikuskizuna egongo da, 19:00etan, eta martitzenean, 18:30ean, errefuxiatuen egoera aztertuko dute, CEAR-Euskadiren eskutik.
Horrez gain, Berrizko Udalak jakitera eman duenez, berriztarrentzat ez da pertsona ilegalik existitzen eta Europak gaur egun gerretan daukan parte hartzea kondenatzen dutela adierazi dute.