Azaroaren 25a dela-eta antolatu duten egitaraua gaur hasiko da Afganistango Emakumeak izeneko argazki erakusketagaz. Hilaren 23an, berriz, Papuszka film-dokumentala ikusteko aukera egongo da arratsaldean, 19:30ean, eta hurrengo egunean, azaroaren 24an, Durangaldeko Beldur Barik Jarrera lehiaketako sari banaketa egingo dute. Sari banaketa honetan, Durangaldean lehiaketa honetan aurkeztu diren hamar bideo lanak sarituko dituzte.
Barikuan, Indarkeria Matxistaren Kontrako Nazioarteko Egunean, kontzentrazio martxa egingo dute, 19:00etan, udaletxean hasi eta Urtiaga plazaraino.
Manifestazioa bukatu ondoren, herrian eta herritarrek eginiko “Eraso sexistarik ez jaietan!” bideo lanaren proiekzioa egingo dute. Gauean, 22:00etan, Mustang filmaren emanaldia egingo dute Berrizko Kultur Etxean.
Bukatzeko, azaroaren 26an, Arizona antzelana ikusteko aukera egongo da, eta hilaren 30ean herriko puntu ilunak nola identifikatzen diren azalduko dute. Bertaratu gura duenak berdintasuna@berriz.eus -en eman dezake izena.