Kalte horiek konpontzeko asmoz, hainbat lan egingo dituztela jakitera eman du Berrizko Udalak. Esaterako, Andikoagoiti landa-gunearen sarbidean, Errotazar baserrira doan errepidean eta Oka errekaren ondotik doan bidean egingo dituzte lanak. Gune horietan, errepideak konpondu eta lurra egonkortuko dutela adierazi dute.
Lan horiez gain, Asua-Berroita bidea konpontzeko ere aprobetxatuko dutela jakinarazi dute.
Lau hilabeteko iraupena
302.350 euroko kostua duten lan hauek lau hilabetean burutzea aurreikusi dute, eta kostuaren %90 Bizkaiko Foru Aldundiaren diru-laguntzagaz egingo dutela jakinarazi dute.