Astebururako ekitaldi ugari antolatu dituzte herrian, eta hainbat kultur eta kirol ekitaldiz gozatzeko aukera paregabea izango dute herritarrek.
Musika askotarikoa entzungo da aurtengo San Pedro eta Santa Isabel jaietan, eta zenbait erromeriez eta kontzertu eta DJ saioez gozatzeko aukera dago aurtengo jaietan.
Bestalde, kirol ekitaldiak ere ez dira faltako aurtengo jaietan. Gaur arratsaldean neska eta mutilen frontenis txapelketa jokatuko dute eta, domekan, berriz, saskibaloi txapelketa dute.
Egun handia
Azken urteetan bezala, zapatua izango da egun handia berriztarrentzat, eta koadrilen eguna ospatuko dute. Lagunartean paella lehiaketan, eta mus, tute eta briska txapelketan arituko dira berriztarrak. Herriko gazteek, mozorrotuta, txosnagunean bazkalduko dute, eta ondoren, denek batera, koadrilen jaitsieran parte hartuko dute.