Bihar goizean egin dute Jabekuntza Eskolako talde baten aurkezpena. Emakume etorkinen topaketa programa abiatu zuten irailean, eta barikuro, 10:00etan, elkartzen dira euren intereseko gaiak lantzeko; egoera pertsonala eta lana topatzeko baliabideak landu dituzte, esaterako. Barikuro, Maroko, Senegal eta Maliko emakumeak elkartzen dira, eta, esan bezala, taldea partaide berriei irekita dago. Emakume etorkinek eurek jo zuten udaletxera horrelako espazio bat eskatzen; elkartu, eta formazioa jasotzeko gune bat gura zuten.
Eguaztenean, 16:30ean, izango da Jabekuntza Eskolako beste taldearen aurkezpen batzarra. Mindfulness teknikari buruzko tailerra da, eta emozioak, pentsamenduak, sentsazio fisikoak eta sentimenduak kudeatzen ikasten dabiltza.