Herriguneko lehen foroa astelehenerako deitu dute, eta 100.000 euroko inbertsio partida zertan erabili erabakiko dute. Auzoetako lehen batzarra, berriz, eguenean izango da, abenduak 17, eta 50.000 euro non inbertitu erabakiko dute. 19:30ean hasiko dira bi batzarrak, Berrizko kultur etxean.
Hirugarren urtea da Berrizko Udalak aurrekontuaren zati bat herri partaidetzaz erabakitzen duena.