Domeka goizean, Olakueta plazan hasiko da igartzen herri-lasterketaren inguruko giroa. 10:45etik 11:15era arte lasterketan izena emateko aukera egongo da eta 'Euskaraz bizi nahi dut' lelodun kamisetak salduko dituzte. Izena ematen dutenen artean opariak zozketatuko dituzte lasterketa ostean.
Lasterketa 11:30ean hasiko dute futbol-zelaian. Olakuetatik haraino kalejiran igoko dira, trikitilariekin. Karrera amaitzerakoan, 12:00ak bueltan, amaiera ekitaldia egingo dute Olakuetan, eta bertan egingo dute oparien zozketa eta luntxa. Ostean, zumba saioa izango dute Olakuetan bertan.
Lasterketa Berrizko Euskararen Aholku Batzordeak, Berrizko Udalak eta Kontseiluak antolatu dute.