Juan Carlos Irizar musikari eta konpositorea herriz herri dabil, tokian tokiko artistekin, kontzertu bira berezia egiten. Kontzertuen bidez, Aita Menni osasun erakundeak Liberian daukan lankidetza programa lagundu nahi dute. Ahizpa Ospitalariekin elkarlanean, osasun mentalaren inguruko proiektuak garatzen dabiltza Aita Mennikoak. Ebola izurriteak kaltetutakoei laguntza psikologikoa ematen ere badabiltza.
Kontzertuaz gainera, zapatuan, azoka txikia ere atonduko dute, kultur etxean.