Giza-talde batzuek lehentasuna izango dute, eta eurentzat lursail batzuk gorde dituzte. Erreserbatuta egongo dira lurrak langabezian daudenentzat –hamabi lursail–, jubilatuentzat –beste hamabi–, gizarte-bazterketan daudenentzat –bederatzi lursail–, ikastetxeentzat –bederatzi– eta desgaitasuna dutenentzako lursail bat. Gainera, lursaila udalak alokatu baino lehen bertan egon diren erabiltzaileek bi lursail izango dituzte aukeran.
Eskatzaile bakoitzak lursail bat izan ahalko duela azaldu dute udal arduradunek. Erabilgarri dauden lursailak baino eskaera gehiago egoten badira, eskatzaileen poltsa sortuko dute, zozketa publikoan ateratzen den ordenagaz.