Eguraldi ona badago udaletxeko parkean, eta bestela, probalekuan, Berriztu bigarren eskuko azoka egingo dute zapatu arratsaldean. 15:00etatik 20:00etara ipiniko dituzte postuak, eta bere gauzak saldu edo trukatu gura dituenak abisatu egin beharko du eguena aurretik, plazak mugatuak direlako.
Azoka amaitu aurretxoan, 19:00etan, Morgan talde madrildarraren kontzertua izango dute. Topa kafetegian ipini dute izena emateko gunea, eta berriztu@hotmail.es helbidea ipini dute eskura. Bost euro ordaindu beharko dira parte hartzeagatik, eta diru hori antolakuntzarako eta musika taldea ordaintzeko izango da.