Hiru talde egongo dira udaleku irekietan: Txiki txoko taldea Haur Hezkuntzako umeekin, Gazte txoko taldea Lehen Hezkuntzako ikasleekin eta DBH abentura DBHkoentzat. Gaztetxoenak uztailaren 4tik 24ra edukiko dituzte udalekuak, eta DBHkoek uztailaren 4tik 18ra.
Plaza kopurua mugatua denez, Berrizen erroldatuek edukiko dute lehentasuna. Gurasoekin ekainaren 18an egingo dute batzarra udalekuen nondik norakoak azaltzeko.
Begirale izateko
Pagotxa elkarteak kudeatuko ditu aurten ere Berrizko udaleku irekiak. Horretarako begirale bila dabiltza. Bete beharreko baldintzak begirale titulua izatea eta EGA eduki edo euskaldun zaharra izatea dira. Kontutan hartuko dute berriztarra izatea eta udalekuetan esperientzia izatea, eta baita ikasketak ere. Curriculumak maiatzaren 31 aurretik bidali behar dira pagotxa.agiriak@gmail.com helbidera.