Ertzaintzak jakitera eman duenez, gaur goizeko 10:15ean 83 urteko gizon bat harrapatu du trenak Berrizko Okango auzoan, Torretxoko pasabidea baino aurrerago. Anbulantzia batek leku horretan artatu du, eta helikopteroan Gurutzetako ospitalera eraman dute.
Oraindik ez dakite arrazoia, baina ETSetik azaldu dutenez, gizona trenbidean egon da trena Zaldibarretik heldu denean. Golpea jasan arren, konorterik galdu ez duela ere aipatu dute. Ordu eta erdian tren zerbitzua geratu dute istripuagatik.